ភ្នំពេញ៖ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានបញ្ជាទៅអគ្គស្នងការនគរបាលជាតិលោក ស ថេត ឱ្យពង្រឹងការពិនិត្យទៅលើជាតិអាល់កុលលើអ្នកបើកបរឡើងវិញ ដោយថាដើម្បីចូលរួមកាត់បន្ថយនូវគ្រោះថ្នាក់ចរាចរណ៍។
សម្ដេចថាបញ្ហាគ្រោះថ្នាក់ចរាចរណ៍ពេលបច្ចុប្បន្នវាខ្លាចទៅជាគ្រោះថ្នាក់លំដាប់ទីមួយដែលបានសម្លាប់អាយុជីវិតប្រជាពលរដ្ឋខ្មែរជាច្រើន។
សម្ដេចបានលើកឡើងនូវ គ្រោះថ្នាក់មួយដែលបានសម្លាប់មនុស្ស ៤នាក់ នៅក្នុងខណ្ឌឬស្សីកែវ កាលពីថ្ងៃទី២០ ខែមករា ឆ្នាំ២០២៤ ដោយសារអ្នកបើកបរមានជាស្រវឹង។
សម្ដេចលើកឡើងបែបនេះនៅក្នុងពិធីបិទសន្និបាតបូកសរុបលទ្ធផលការងារឆ្នាំ២០២៣ របស់ក្រសួងព័ត៌មាន នៅសណ្ឋាគារសុខានៅរសៀលថ្ងៃទី២៣ ខែមករា ឆ្នាំ២០២៤នេះ៕
ព័ត៌មានជាច្រើនទៀតសម្រាប់អ្នក
